අපගේ ඉගෙනුම් කළමනාකරණ පද්ධතිය පාසල් සඳහා පුළුල් වේදිකාවක් සපයන අතර, අධ්‍යාපන ක්ෂේත්‍රයේ නියැලෙන්නන් සහ සිසුන් යන දෙපාර්ශවයම මේ හරහා බලගැන්වීම සිදුකරයි. ඉගැන්වීම සහ ඉගෙනීම වැඩිදියුණු කිරීම සඳහා නිර්මාණය කර ඇති මෙම පද්ධතිය අධ්‍යාපනික සම්පත් සඳහා, පාඨමාලා කළමනාකරණය සඳහා මෙන්ම සහයෝගීතා මෙවලම් සඳහා කිසිදු බාධාවකින් තොරව ප්‍රවේශය ලබා දෙයි. පරිශීලක හිතකාමී අතුරුමුහුණතක් සමඟින්, එය පන්තිකාමර ක්‍රියාකාරකම් විධිමත් කරවන අතරතුර ඒ සඳහා සහභාගීත්වය වැඩිදියුණු කරවයි. එමඟින් අවසානයේ අධ්‍යයන විශිෂ්ටත්වය තහවුරු කරවයි. පාසල්වල විවිධ අවශ්‍යතා සපුරාලීම සඳහා සකස් කර ඇති මෙම ඉගෙනුම් කළමනාකරණ පද්ධතිය නවීන අධ්‍යාපනය සඳහා ශක්තිමත් පදනමක් ගොඩනඟයි.

මෙවැනි විශිෂ්ට අධ්‍යාපන සම්පත් එකතු කර ඇති E-Thaksalawa අධ්‍යාපනික වෙබ් අඩවිය, මේ වන විට ශ්‍රී ලංකාවේ පාසල් වයසේ සිසුන් සහ ගුරුවරුන් සඳහා සකස් කරන ලද විශේෂිත මෙන්ම අතිශය වැදගත් මාර්ගගත පාඨමාලා රැසක් ඇතුළත් කර ඇත. Cyber Safety සහ Healthy Kids ලෙස හඳුන්වන පාඨමාලා සිංහල, ඉංග්‍රීසි හා දෙමළ යන තුන්ම භාෂාවන්ගෙන් ලබාදෙන අතර, ඒවා දරුවන්ගේ ආරක්ෂාව හා සෞඛ්‍යය පිළිබඳ සවිබල ගැන්වීම සඳහා සැලසුම් කර ඇත. නවීන විෂයන් වන නෂ්ටික විද්‍යාව හා තාක්ෂණය සහ Scratch ක්‍රමලේඛනය ද මෙම භාෂා තුනින්ම ඉතා උසස් මට්ටමින් ඉදිරිපත් කර ඇත. මෙයට අමතරව, සජීවී සාකච්ඡා, තමාට අනන්‍යව හැඳින්විය හැකි ඉගෙනීමේ ආකෘති සහ විවෘත සංසද තාක්ෂණිකව සූදානම් කර තිබුණද, දැනට භාවිතයේ නැත. සරලවම කිවහොත්, E-Thaksalawa යනු ඉතා පුළුල්, නොමිලේ ලබා ගත හැකි, බහු භාෂා වලින් යුතු, විෂය පදනම්ව සැලසුම් කළ මාර්ගගත පාඨමාලා සමූහයකි. මෙය ස්වයං අධ්‍යයනය සඳහා මෙන්ම ගුරුවරයාගේ මාර්ගෝපදේශය යටතේ පවත්වන සජීවී ඉගෙනීම සඳහාද ඉතා සාර්ථකව යොදා ගත හැකි පද්ධතියකි. Online Course- access

අධ්‍යාපනඥයන් සඳහාම විශේෂයෙන් සකස් කරන ලද පුළුල් පරාසයක විහිදුණු අන්තර්ක්‍රියාකාරී මාර්ගගත පාඨමාලා (interactive online courses) හරහා ඔබේ වෘත්තීය දැනුම සහ ඉගැන්වීමේ හැකියාවන් වැඩිදියුණු කරගන්න.ඉගැන්වීමේ ක්‍රමවේද, ඩිජිටල් අධ්‍යාපනය, පන්ති කාමර කළමනාකරණය, තාක්ෂණ ඒකාබද්ධ කිරීම, තක්සේරු උපාය මාර්ග සහ වෘත්තීය සංවර්ධනයේ අනෙකුත් අත්‍යවශ්‍ය ක්ෂේත්‍ර ආවරණය වන පරිදි නම්‍යශීලී, ස්වයං -වේගවත් ඉගෙනුම් අවස්ථා ගවේෂණය කරන්න.ඔබේම වේගයකින් ඉගෙන ගන්න, නව කුසලතා වර්ධනය කරගන්න, සිසුන් සඳහා වඩාත් ආකර්ෂණීය හා සාර්ථක ඉගෙනුම් අත්දැකීම් නිර්මාණය කිරීමට ඔබේ දැනුම යොදාගන්න. Online Courses for Teachers- access

අධ්‍යාපන අමාත්‍යාංශයේ නිල ඉගෙනුම් කළමනාකරණ පද්ධතිය වන E-තක්සලාව, රට පුරා පිහිටි ජාතික අධ්‍යාපන විද්‍යාපීඨ 20 සඳහාම වෙන්වූ වේදිකාවක් සපයයි. ගුරු පුහුණුවට සහ වෘත්තීය සංවර්ධනයට සහය වීම සඳහා නිර්මාණය කර ඇති මෙම ඉගෙනුම් කළමනාකරණ පද්ධති අධ්‍යාපනික සම්පත් සඳහා, පාඨමාලා කළමනාකරණය සඳහා මෙන්ම සහයෝගීතා මෙවලම් සඳහා කිසිදු බාධාවකින් තොරව ප්‍රවේශය ලබා දෙයි. පරිශීලක හිතකාමී අතුරුමුහුණතක් සමඟින්, එය ඉගැන්වීමේ සහ ඉගෙනීමේ අත්දැකීම වැඩිදියුණු කරවන අතර ඒ හා සමඟම අනාගතයේ බිහිවන අධ්‍යාපන ක්ෂේත්‍රයේ නියැලෙන්නන්ට ඔවුන්ට අදාළ වූ අංශවල විශිෂ්ටත්වය ළඟාකරගැනීම සඳහා උපකාර කරයි.

තොරතුරු තාක්ෂණ දුරස්ථ ඉගෙනුම් මධ්‍යස්ථාන යනු, තොරතුරු තාක්ෂණ විෂය සඳහා නිර්මාණය කර ඇති විශේෂ මධ්‍යස්ථාන වන අතර, එම මධ්‍යස්ථාන විසින් පාසල් හැර යන දරුවන් සඳහා විශේෂ පාඨමාලා සහ ගුරුවරුන් සඳහා වෘත්තීය සංවර්ධන වැඩසටහන් රටට ඉදිරිපත් කරයි. මෙම මධ්‍යස්ථාන හරහා, ඉගෙනුම් කළමනාකරණ පද්ධතියක් (LMS) භාවිතයෙන් නවීන, නම්‍යශීලී ඉගෙනුම්-ඉගැන්වීම් ක්‍රියාවලියක් ක්‍රියාත්මක වේ. එමඟින්, ගුණාත්මක තොරතුරු තාක්ෂණ අධ්‍යාපනයකට දුරස්ථව ප්‍රවේශ වීමක් සිදු කරගත හැක. ITDLH Module Course- access